Son’w-lan pa ni pies style, kabech-ou ja lajè sa !
Ti buzz fè fanm ladjé’y ba’w, sa ka rann ou espésial
É mwen jalou yo pa té aprann mwen fè sa
Pou ramé mwen ramé, mwen ni dé bra gwosè sa
Pa menm an ti “showcase” adan diskotek ! Sa sa ka sèvi
ni lé pli gwo teknik rap ? Ki non-mwen ? Yo pa pi konnet
Pa menm an klip épi gwo fes, mé rèspé mwen trapé’y
Epi lé pi gwo MC… Ah ah ah !
Pa sa ka fè mwen fè “stream”
Moun pa ka mandé mwen “selfie”
Sa mwen aprann pa ka sèvi, ou ja ni karant, i lè pou ladjé sa
É mwen pa ka fè jé épi’y, kriyé’y SVK

SVK, swé a vié kò
Vié kannari mé dlo-la pli fré adan vié pot
SVK, swé a vié kò
Vié kannari mé dlo-la pli fré adan vié pot
Kò-la red ! son-an ka pété fò
Toujou ni yonn asou difé, pa ni manjé ki pli fré
SVK, SVK, SVK

An ispò-tala mwen fò telman
Toujou pli fré mé bab-la ni pwel blan
Lé ti jenn konnet lanmod selman
Zot a pliziè ? ban mwen zot sé menm-lan !
Pa di mwen “c’était mieux avant” : ou pa sav sa ki ni jòdi
Mwen pli fò ki yè, mwen fò ki dèmen, sé sians mwen ké ni an plis
É mwen konté pran’y pli red, djok, a laj mwen ni
Mwen pa ni tan ki ped, fos péyi sa mwen ni pou fè’w risanti

Mwen sé an chien-boul, mwen sé an chien “mike”
Toutan mwen doubout, toutan man plen “vibe”
Toutan mwen ni lavwa épi dé bra ! sòti fann yonn an dé
Épi lot bra, mwen “check mike-la” asou senn-la
Tet pa ni rézon douvan tjè !
Toujou ka jwé red, menm lè pa ni ayen pou genyen
Pa ka ba kò-la an favè, pa sav ki jan mwen ké lévé dèmen
Mal-do, mal-zo, mal-tet, lanmou pou ispò
Lespri basket, lespri ipop
Ou pa konnet djol ka pann asi koté, dé lanmen’w si kot
Chak bles ou ka psikoté, kò-la ka di STOP !
…
…
Pa pou rantré adan pies déba
Mé ou pé pa konprann sa nou ka kriyé SVK